शालार्थ प्रणाली ही महाराष्ट्र सरकारने शालेय शिक्षण विभागाच्या अंतर्गत येणारी सर्व कार्यक्षेत्रे यांच्या वेतनासंबंधी एकीकृत व वित्तीय प्रबंधन प्रणाली (intigrated financial management system) अंतर्गत Tata Consultancy Services च्या सहाय्याने विकसित केलेली यंत्रणा आहे. "सर्व कर्मचारी व त्यांच्या वेतनाचा एक सामायिक डेटाबेस असावा " हा यामागील महत्वाचा हेतू ... सेवार्थ वेतन प्रणाली च्या यशानंतर शालार्थ चा विकास झाला.येथे शालार्थ प्रणाली बाबत चे सर्व प्रकारचे मार्गदर्शन करण्यात आले आहे. छोट्या छोट्या गोष्टी अधिक विस्ताराने मांडण्यात आले आहेत.

शालार्थ प्रणाली अस्तित्वात येण्यापूर्वी खाजगी अनुदानित /अंशतः अनुदानित /प्राथमिक / माध्यमिक / उच्च माध्यमिक शाळांमधील मुख्याध्यापक/प्राचार्य यांच्या स्वाक्षरीने संबंधित शाळेचे दरमहाचे वेतन देयके नमुना क्र.२ व नमुना क्र २अ मध्ये तयार करून वेतन पथकाकडे सादर करण्यात येत होते. आता मात्र शालार्थ प्रणालीतून संबंधित वेतन देयके तयार होतात. वेतन पथकामार्फत वेतन देयकाची छाननी करून एकत्रित यादी तयार करून यादीच्या गोषवाऱ्यानुसार नमुना क्र.MTR-44 (Grant in Aid) मध्ये एकत्रित देयके तयार करून कोषागार कार्यालयाकडे सादर करण्यात येते. कोषागार कार्यालयाकडे सादर करण्यात आलेल्या एकत्रित देयकांची बँक निहाय धनादेश अथवा EFT कोषागार कार्यालयाकडून वेतन पथक कार्यालयाला प्राप्त होतात. सदर धनादेश अधीक्षक वेतन पथक यांच्या चालू खात्यावर जमा करण्यात येते.वेतन पथक यांच्या कार्लायाकडून शाळांच्या याद्या व देयकाच्या दोन प्रती निवडलेल्या बँकांच्या मुख्य शाखेत जमा करण्यात येतात. बँकेच्या मुख्य शाखेकडून पाठविण्यात आलेल्या अड्व्हाईस नुसार व शाळांच्या देयाकानुसार कर्मचाऱ्यांच्या वेतनाची रक्कम प्रथम संयुक्त खात्यावर जमा करून घेऊन त्यामधून अशासकीय वजाती कपात करून कर्मचाऱ्याच्या वेतनाची रक्कम त्यांच्या संबंधित खात्यांत जमा करण्यात येते.

शालार्थ ची कार्यप्रणाली ही जि.प. प्राथमिक शाळांसाठी पाच स्तरांवर नियंत्रित होते,परंतु माध्यमिक शाळा , ज्युनि. व सिनी. कॉलेज, खा.प्राथ.शाळा यांचेसाठी तीन स्तर आहेत, ते पुढीलप्रमाणे -

यामध्ये DDO1 - संबंधित शाळेचा मुख्याध्यापक ,DDO2 - जिल्हा वेतन पथक, DDO3-उप संचालक कार्यालय .... शालार्थ प्रणाली मध्ये भरलेली माहिती ही वरील तीन टप्प्यांवरून मंजुरी दिली जाते. यापलीकडे system मधील दुरुस्ती कंपनी स्तरावर होते. या संबंधित दुरुस्त्यांसाठी प्रत्येक स्तरावर report issue हा tab ठेवला आहे. शालार्थ मध्ये शाळास्तरावरील केलेल्या बदलांची बहुतांशी मंजुरी ही वेतन पथक स्तरावरच होते.

WEBSITE ADDRESS - www.shalarth.maharashtra.gov.in (शालार्थ साईट ला भेट देण्यासाठी हेड ब्यानर वर 'शालार्थ' नावावर क्लिक करा )